Britaniyalı boksçu Kaş Əli rəqibini dişlədiyinə görə Liverpulda keçirilən yarışdan kənarlaşdırılıb.

Bu barədə World Boxing Wall məlumat yayıb.

Bildirilir ki, ağır çəki dərəcəsində mübarizə aparan K. Əli beşinci raundda rəqibi Devid Praysın üstünə yıxılıb və onu qarın nahiyyəsindən dişləyib. Hakim döyüşü dayandırıb və Prays bədənində rəqibinin dişlərinin izlərini göstərib.

Nəticədə K. Əli diskvalifikasiya edilərək yarışdan uzaqlaşdırılıb.

Qeyd edək ki, K. Əli ilk dəfədir karyerası boyunca uduzub. Onun aktivində 15 qalibiyyət var.