Türkiyə mətbuatına istinadən xəbər verir ki, ölən və yaralıların sayı artıb.
Belə ki, qəza nəticəsində 1-i hamilə qadın, 2-si körpə, 2-si azyaşlı uşaq olmaqla 22 nəfər dünyasını dəyişib, 13 nəfər yaralanıb.
Həmçinin iddia edilir ki, hadisə yerində əyləc izi olmayıb və sürücü yatıb.
* * *
Türkiyənin İzmir şəhərində qeyri-qanuni mühacirləri Yunanıstanın Samos adasına aparan yük avtomobili sürücünün idarəetməni itirməsi nəticəsində dərəyə aşıb.
Kanal24 “Milliyet”ə istinadən xəbər verir ki, qəza nəticəsində 19 mühacir ölüb, sürücü də daxil olmaqla 5 nəfər yaralanıb.
Hadisə yerli vaxtda 08:00-da baş verib. Əraziyə təcili yardım briqadaları və polislər cəlb edilib.
Bildirilir ki, qəzada ölənlər arasında qadın və uşaqlar da var.
Faktla bağlı araşdırma aparılır.