Dövlət Miqrasiya Xidmətinin (DMX) keçirdiyi tədbi­rlər zamanı 16 nəfər Hindistan, beş nəfər Pakistan, iki nəfər Nepal və bir nəfər Türkiyə vətəndaşı olmaqla, ümumilikdə 24 nəfər əcnəbi saxlanılıb. 

Araşdırma zamanı saxlanılan əcnəbilərdən üç nəfər Pakistan, bir nəfər Hindistan və bir nəfər Türkiyə vətəndaşının Azərbaycana guya biznes fəaliyyəti ilə məşğul olmaq adı ilə gəldiyi, onların biznes sahəsində heç bir fəaliyyətlərinin olmadığı, müraciətlərinin yalnız ölkədə yaşamaq və sərbəst hərəkət etmək məqsədi daşıdığı məlum olub. 

Saxlanılan digər əcnəbilərin Azərbaycan ərazisində qanunsuz yaşadıqları və ölkəyə gəlişinin bəyan edilmiş məqsədini pozduqları müəyyənləşib. 

Saxlanılan əcnəbilərlə bağlı aparılan araşdırma işləri başa çatdırılıb və onların barəsində müvafiq inzibati tədbirlər görülüb.