Çilidə fəaliyyət göstərən xəstəxanalardan birində yaşanan olay mediada geniş müzakirələrə yol açıb.

Çili respublikasının dövlət xəstəxanalarından birində iki işçi arasında yaranan münaqişə təhlükəsizlik kameralarına düşüb.

Görüntülərdə naməlum səbəblərdən yaranan mübahisə zəminində kişi hamilə olan qadın işçinin saçından tutub divara doğru itələyir. Daha sonra isə çantalarını alıb getmək istəyən qadının qarnına ağır zərbə vurduğu görülür.

Zərbənin təsirindən yerə yıxılan qadına digər iş yoldaşları köməklik göstərib. Uşağın sağlamlığı ilə bağlı dəqiq məlumat verilməyib.