Cəlilabaddan Nadir adlı şəxs “Xəzər” televiziyasında Xoşqədəm Hidayətqızının təqdimatında yayımlanan “Bizə danış” verilişinə müraciət edərək, həyat yoldaşı İsayeva Səbirə Bəxtiyar qızını axtardığını bildirib.

Kanal24 Baku.ws saytına istiandla xəbər verir ki, uzun axtarışlardan sonra Səbirə İsayevanın Türkiyəyə qaçdığı məlum olub.

Nadir kişi həyat yoldaşının gecələr telefonda kimləsə yazışdığını deyib:

“Gecələr telefonda yazışırdı. Mənə deyirdi ki, Yasamaldan iş yoldaşlarımla danışıram. Bakıya da iş adıyla çıxıb. Xahiş edirəm ki, onu tapıb mənə verəsiniz”.

Araşdırmalardan sonra məlum olub ki, Nadir başqa arvad evə gətirdikdən sonra İ.Səbirə evdən qaçmalı olub.

"Oğlum 7 ildir türmədədir. 3 otaqlı evim var. Birində gəlinim qalırdı, o birində isə 2 arvadım. Heç bir-birilərinə maneəçilik etmirdilər”. Nadirin bu sözlərdən sonra qınaq obyektinə çevrilib.

Ərini evdə qoyaraq Türkiyəyə gedən Səbirə İsayeva isə ərinin günahkar olduğunu və hazırda özünü xoşbəxt hiss etdiyini bildirib.