Türkiyə Bişkek yaxınlığındakı təyyarə qəzası ilə əlaqədar Qırğızıstana kömək göstərməyə hazırdır.

“RİA-Novosti” agentliyi xəbər verir ki, bu haqda Qırğızıstan Xarici İşlər Nazirliyinin başçısı Erlan Abdıldayevlə telefon söhbətinin gedişatında Türkiyənin xarici işlər naziri Mövlud Çavuşoğlu bildirib.

“Bizim nazirimiz qırğız həmkarı Erlan Abdıldayevə zəng vurub. O, Qırğızıstanda təyyarə qəzası ilə əlaqədar başsağlığı verib və bildirib ki, Tükiyə aviaqəza ilə əlaqədar istənilən köməyi göstərməyə hazırdır”, - deyə agentliyin həmsöhbəti vurğulayıb.