Qırğızıstan prezidenti Almazbek Atambayev Bişkek ətrafında Türkiyə şirkətinə məxsus yük təyyarəsinin qəzaya uğraması hadisəsinin araşdırılmasını tapşırıb.

RİA Novosti agentliyinin verdiyi məlumata görə, dövlət başçısı həlak olanların ailələrinə və yaralılara maddi yardın göstərilməsi barədə də göstəriş verib.

Qeyd edək ki, bu gün səhər saatlarında Bişkek yaxınlığında Türkiyənin "Turkish Airlines" aviaşirkətinə məxsus Boeing 747-400 yük təyyarəsi qəzaya uğrayıb.

Təyyarənin yaşayış qəsəbəsi üzərində qəza törətməsi nəticəsində ekipaj üzvləri və qəsəbə sakinləri də daxil omaqla 32 nəfərin həlak olduğu bildirilir.