Tümen vilayətinin Federasiya Şurasındakı nümayəndəsi Mixail Ponomarev vəfat edib.
TV24 xəbər verir ki, bu barədə RİA Novosti-yə parlamentin yuxarı palatasındakı bir mənbə bildirib.
Agentliyin həmsöhbətinin sözlərinə görə, ölüm səbəbi ürək tutmasıdır. Senatorun 67 yaşı var idi.
Ponomarev Federasiya Şurası İqtisadi Siyasət Komitəsinin sədr müavini vəzifəsində çalışıb. 2016-cı ildə senator seçilib, bundan əvvəl Tümen Regional Dumasının deputatı idi.
Siyasətçi "Dostluq" və "Şərəf" ordenləri ilə təltif edilib.