Hakim Yeni Azərbaycan Partiyasının (YAP) deputatlığa namizədlərinin qeydə alınması prosesi başa çatıb.
YAP-ın irəli sürdüyü namizədlərin hamısı dairə seçki komissiyalarında qeydə alınıb.
YAP 125 seçki dairəsinin 117-dən namizəd irəli sürüb. Bununla da, YAP Seçki Məcəlləsinə müvafiq olaraq, seçki dairələrinin 60-dan çoxunda namizədləri qeydə alınan siyasi partiya kimi seçkidə iştirak etmək hüququ qazanıb.
Partiyadan bildirilib ki, uğurla başa çatan imzatoplama kampaniyasında YAP-ın Mərkəzi Seçki Qərargahı tərəfindən xüsusi treninqlərə cəlb edilən 1226 nəfər iştirak edib.
Parlament seçkiləri noyabrın 1-də keçiriləcək.
20:40 29.09.2015