Amerika Kosmik Agentliyi NASA Arktikada son 38 ildən bəri baş verən dəyişikliyi qeydə alan video yayıb.

NASA-nın məlumatında Arktikada buzun qalınlığının rekord dərəcədə azaldığı qeyd olunub.

Agentliyin məlumatına görə, fevralın 13-də 1979-cu ilin aerokosmik müşahidələrindən bəri buzun ən aşağı göstəricisini qeydə almaq mümkün olub. Alimlər hesab edir ki, bu, planetdə baş verən istiləşmənin göstəricisidir.

1979-cu ildə Arktika buzlaqlarının ümumi sahəsi 2 milyon kvadrat kilometr təşkil edib. 2016-cı il isə bütün tarix boyu ən isti il olub.

Alimlər hesab edir ki, bir neçə onildən sonra Arktika yay mövsümündə buz örtükdən tamamilə azad olacaq, qışda isə yenidən buzlaşma baş verəcək.