Xalq Yazıçısı Süleyman Rəhimova məxsus yeni sənədlər Salman Mümtaz adına Azərbaycan Dövlət Ədəbiyyat və İncəsənət Arxivinə təqdim olunub.

Arxiv direktorunun müavini Könül Nəsibova AZƏRTAC-a bildirib ki, yeni sənədlər sırasında yazıçının xatirələri, əlyazmaları, məktubları, fotoları ilə yanaşı, ən çox da onun yarımçıq qamış əsərləri yer alıb.

Qeyd olunub ki, nasirin yaxınları tərəfindən arxivə 3 mindən çox sənəd təqdim edilib. Hazırda arxivin əməkdaşları təqdim edilmiş materialların siyahısını hazırlayırlar.

Arxivdə sistemləşdiriləcək bu sənədlər Süleyman Rəhimovun gələcək tədqiqatçıları üçün ən dəyərli mənbə olacaqdır.