Kanal24 xəbər verir ki, bundan öncəki videoda da blogger rus qızlarına “bir türklə evlənərsinizmi” sualı ilə müraciət etmişdi. Ancaq izləyicilər həmin videonun şərh bölümünə bir sıra suallar ünvanladığı üçün C.Kıran oxşar mövzuda yenidən video çəkib.

Bu videoda rus qızlarının təkcə türklərlə deyil, erməni və azərbaycanlı ilə də evlənmələrinin mümkün olub-olmadığı soruşulub.

Sorğuda iştirak edənlər arasında Moskvada yaşayan erməni, tacik, çeçen, kabardin xalqının da nümayəndələri olub. Maraqlıdır ki, rus qızları daha rasional cavablar versələr də bir erməni qız türkcə birmənalı olaraq “yox” deyib.

Digər erməni qız isə “yox” deməklə yanaşı bunun səbəbini azərbaycanlıların onunla eyni dindən və eyni xalqdan olmamaları ilə izah edib.

Zənnimzcə, vloq sadə ermənilərdə azərbaycanlılara və türklərə mövcud münasibəti anlamaq baxımından önəm daşıyır. Sözügedən vloqu təqdim edirik.