“Qərb tərəfindən qəbul edilmir”.

Azərbaycana qarşı informasiya müharibəsinin səbəbi onun müstəqil və suveren siyasət yeritməsidir.

Kanal24 APA-ya istinadən xəbər verir ki, bunu Avropa və Asiya Media Forumunda çıxış edən “Rossiya Seqodnya” İnformasiya Agentliyinin baş direktoru, tanınmış jurnalist Dmitri Kiselyov deyib.

Onun sözlərinə görə, Qərb dairələri tərəfindən Azərbaycana qarşı aparılan informasiya müharibəsinin və mənfi münasibətin əsas səbəbi prezident İlham Əliyevin rəhbərliyi ilə ölkənin müstəqil siyasət yeritməsidir.

“Azərbaycan günü-gündən inkişaf edir. Onun Avropaya inteqrasiya və NATO-ya qoşulmama siyasəti Qərb tərəfindən qəbul edilmir. Bu gün Azərbaycan əksər Avropa ölkələrindən daha müstəqil və suveren xarici siyasət yürüdür. Baxaq Avropa ölkələrinə, Böyük Britaniyaya...

Bu ölkələr belə demək mümkünsə ABŞ-ın ayaqları altına uzanıblar. Bu ölkələrin xarici siyasətində ABŞ-ın mövqeyi əsas götürülür. Azərbaycan isə bu ölkələrdən fərqli olaraq müstəqil xarici siyasət yürüdür və ona görə də bir çox hallarda Qərbin haqsız təzyiqlərinə məruz qalır”, - deyə Dmitri Kiselyov vurğulayıb.