Ermənistanda hərbi yük avtomobilinin iştirakı ilə yol-nəqliyyat hadisəsi baş verib.

Sisyan-Şaki avtomobil yolunda bu gün səhər saat 09:20 ərəfəsində “Ural” markalı avtomobil “VAZ 2107” markalı avtomobillə toqquşub.

Nəticədə, “VAZ 2107”də olan Arşak Ovannisyan və Martik Ovannisyan ölüb, Elmir Sarkisyan isə yaralanıb.

Ermənistan Müdafiə Nazirliyinə məxsus “Ural” avtomobili hərbi qulluqçular daşıyırdı. Onlardan heç biri zərər çəkməyib.