KXDR lideri Kim Çen In ölkə sakinlərinə müraciətində Cənubi Koreya ilə münasibətlərin yaxşılaşdırılması üçün bütün lazımi şəraitin yaradılması barədə göstəriş verib.

Bu barədə Şimali Koreyanın Mərkəzi Televiziyasına istinadən TASS nəşri məlumat yayıb.

“Dövlət başçısı bildirib ki, ölkəmiz müstəqil birlik işində sıçrayış etməyə imkan verən siyasəti qətiyyətlə dəstəkləməlidir”, - məlumatda deyilir. 

Kim Çen In, keçmişi yaddan çıxararaq Şimali və Cənubi Koreya arasında əlaqələri yaxşılaşdırmasına çağırıb.

“Koreya yarımadasında gərginliyə son qoymaq üçün Koreya xalqının səylərinin birləşdirilməsi üçün vaxt çatıb. Söhbət tək KXDR-Cənubi Koreya münasibətlərinin yaxşılaşdırılmasından getmir, söhbət həmçinin millətin barışığından, onun könüllü birləşməsindən gedir”, - deyə materialda qeyd olunur.