Gürcü şərabı Ginnesin Rekordlar Kitabına daxil olub.

Bu barədə məlumat təşkilatın saytında yer alıb.

Bildirilib ki, alimlər Tiflisin 50 kilometrliyində yerləşən iki qədim yaşayış məskənində aparılan arxeoloji qazıntılar zamanı bizim eradan əvvəl 6000-5800-cü illərə aid qalıqlar tapıblar. Qazıntı zamanı aşkar edilən 2 qabda aparılan kimyəvi təhlil zamanı onlarda şərab saxlanıldığı məlum olub.

Qeyd edək ki, buna qədər dünyanın ən qədim şərabçılıq ənənəsi İrana aid idi.