İtaliyanın paytaxtı Roma başda olmaqla Milan və Genuya kimi böyük şəhərlərdə taksi sürücüləri tətilə çıxıb.

Sürücülər hökumətin nəqliyyat sektorundakı yeni qərarlarına etiraz ediblər.

Etirazçılar yerli vaxtla 08:00-22:00 aralığında işə çıxmayıblar. Tətil səbəbindən böyük şəhərlərdə dayanacaqlarda böyük növbələr yaranıb.

Qeyd edək ki, taksi sürücülərinin əsas etirazı hökumətin “Uber” taksi xidmətinin təşviq edilməsi barədə verdiyi qəraradır.