ABŞ özü üçün təhlükə yaranacağı halda Koreya Xalq Demokratik Respublikasını (KXDR) tamamilə məhv etməyə məcbur olacaq.

Bunu ABŞ prezidenti Donald Tramp BMT Baş Assambleyasının 72-ci sessiyasında ümumsiyasi müzakirələrin gedişatında çıxışı zamanı deyib.

“Birləşmiş Ştatlar böyük gücə və səbrə malikdir. Amma əgər özümüzü və müttəfiqlərimizi müdafiə etmək lazım olarsa, Şimali Koreyanı məhv etməkdən başqa seçimimiz qalmayacaq”, - Amerika lideri bildirib.

ABŞ prezidenti hesab edir ki, KXDR-in rəhbərliyi təhlükəli siyasət həyata keçirir.

O, BMT Təhlükəsizlik Şurasında KXDR-ə qarşı sanksiyaların qəbulunda verdiyi dəstəyə görə, Rusiya və Çinə minnətdarlığını ifadə edib. Eyni zamanda qeyd edib ki, Moskva və Pekin səylərini daha da artırmalıdır.