Rusiyanın Novosibirsk şəhərində məzarları axtarmaq üçün mobil proqram əlavəsi yaradılacaq.

Kanal24 lent.az-a istinadən xəbər verir ki, bu barədə Novosibirsk şəhər meriyasının sənaye, innovasiyalar və sahibkarlıq departamentinin sədr müavini Vitali Vituxin bildirib: “Ümid edirəm ki, bu ilin sonuna qədər şəhərimizin hər bir sakini internetə çıxışı olan cihazların köməyi ilə istənilən şəxsin məzarını asanlıqla tapa biləcək. İnsanların dəfn edildiyi yer ekranda əks olunacaq. Məzara aparan bütün yollar və cığırlar aydın görünəcək”.

"Ritual" adlanan layihənin dəyəri 1,2 milyon rubl həcmində hesablanıb. Məmurların sözlərinə görə, bu sistemin Rusiyada analoqu yoxdur.