Prezident İlham Əliyev Maldiv Respublikasının Prezidenti Zati-aliləri cənab Abdulla Yamin Abdul Qəyyuma təbrik məktubu ünvanlayıb.
Bu barədə Prezidentin mətbuat xidməti məlumat yayıb.
"Hörmətli cənab Prezident,
Ölkənizin milli bayramı – Müstəqillik Günü münasibətilə Sizi və xalqınızı öz adımdan və Azərbaycan xalqı adından ürəkdən təbrik edirəm.
Bu əlamətdar gündə Sizə möhkəm cansağlığı, işlərinizdə uğurlar, dost Maldiv xalqına sülh və rifah diləyirəm", - təbrikdə qeyd edilir.
***
Prezident İlham Əliyev Liberiya Respublikasının Prezidenti Zati-aliləri xanım Ellen Conson-Serlifə təbrik məktubu göndərib.
"Hörmətli xanım Prezident,
Ölkənizin milli bayramı – Müstəqillik Günü münasibətilə Sizə və xalqınıza öz adımdan və Azərbaycan xalqı adından təbriklərimi yetirirəm.
Bu xoş gündə Sizə möhkəm cansağlığı, işlərinizdə uğurlar, dost xalqınıza sülh və tərəqqi diləyirəm", - təbrikdə deyilir.