Kanadanın gənc və qeyri-adi təbiətli Baş naziri Castin Trudeau homoseksuallar tərəfindən təşkil edilən yürüşə qatılıb.

Çəhrayı köynəyi ilə diqqətləri üzərinə çəkən nazir homoseksuallara dostluq münasibəti sərgiləyib.

O, Kanadanın Halifaks şəhərində təşkil edilən yürüşə həyat yoldaşı ilə birgə qatılıb.

Kameralara poz verməyi unutmayan Trudeau - “homoseksualların yürüşünə qatılan ilk baş nazir mənəm. Ancaq mən keçmişə deyil, gələcəyə baxan biriyəm” - deyib.

Baş nazir əyləncədən sonra geyimini dəyişib və Torontodakı bir hindu məbədində bayram şənliyinə qatılıb. O, hindu inancına mənsub Kanada vətəndaşları ilə birlikdə tanrıya dua edib.