Azərbaycan iqtsiadiyyatının inkişafının mövcud proseslərini və perspektivlərini müzakirə etmək üçün Beynəlxalq Valyuta Fondunun (BVF) Yaxın Şərq və Mərkəzi Asiya üzrə Departamentinin müşaviri Raca Almarzoqinin başçılıq etdiyi BVF-nin Azərbaycan üzrə missiyasının iyunun 2-də Bakıya səfəri başlayacaq.

Bunu Trend-ə BVF-nin Bakı ofisinin rəhbəri Ağgün Qədirli deyib. Səfərin əsas məqsədi Azərbaycanda iqtisadi inkişafın və onun perspektivlərinin qiymətləndirilməsinin yenilənməsi, eləcə də makroiqtisadi siyasət üzrə müzakirələrin aparılmasıdır.

Səfər çərçivəsində Maliyyə, Vergilər, İqtisadiyyat və Sənaye və başqa nazirliklərdə görüşlərin keçirilməsi planlaşdırılıb.

BVF-nin missiyası iyunun 8-dək davam edəcək.