Moskvada yağan leysan yağışları “Şeremetyevo” hava limanında bir sıra fəsadlar yaradıb.
Cümə günü, iyunun 30-da, Instagramda yerləşdirilən videodan görünür ki, aeroportun əməkdaşları dizə qədər su içində hərəkət edirlər.
“Uçuş-enmə zolağını su basmayıb. Hər şey qaydasındadır”, - hava limanının mətbuat xidmətindən verilən məlumatda bildirilir.
Qeyd edək ki, Rusiyanın paytaxtında qeyri-sabit hava şəraiti gecə yarısınadək davam edəcək.
Son məlumata görə, Moskva vilayətində qasırğa zamanı ən azı üç nəfər ölüb, daha beş nəfər isə xəsarət alıb.
04:48 01.07.2017