ABŞ-ın Kaliforniya ştatının San-Dieqo şəhərində yaşayış binasının yaxınlığında atışma olub.
Kanal24.az xəbər verir ki, “Röyters” agentliyi yerli polisə istinadən 8 nəfərin yaralandığını yazıb.
Agentlik pivə içmiş kişinin insanlara atəş açdığını bildirib. Yaralananlardan 4-ü qadındır. Onlardan biri xəstəxanada həyatını itirib.
Hadisə yerinə gələn polislər silahlı şəxsi öldürüb.
Cinayətin motivi hələ müəyyən edilməyib. Polis hadisənin araşdırılmasına başlayıb.