"Barselona" rəhbərliyi İspaniya Kubokunun yarımfinalında "Atletiko Madrid"ə qarşı cavab görüşündə Luis Suarezin meydandan qovulması ilə razılaşmır.
Katalonlar onun 90-cı dəqiqədə aldığı 2-ci sarı vərəqədən apellyasiya şikayəti verəcəklər.
"İkinci sarı vərəqə sadəcə gülməlidir. Həmin epizodda heç nə etməmişdim. Ümid edirəm, klub bu məsələnin üstünə düşəcək", - uruqvaylı hücumçu matçdan sonra bildirmişdi.
Qeyd edək ki, ümumi nəticədə 3:2 hesabıyla qalib gələn "Barcelona" kubokun finalına vəsiqə qazanıb.