38 yaşlı çoban Akif Geniş təpənin başında 2 min il bundan əvvələ aid olan kilsə qalıqlarını təsadüfən  kəşf edib. Nə qədər maraqlı olsa da, Akif Geniş arxeoloqların görə bilmədiyi bu işi qoyunların sayəsində həyata keçirib. Belə ki, təpədə otlayan qoyunlar qəfildən naməlum çuxura düşüblər. Özünü yetirən çoban bunun əslində, çox qədim zamanlara aid olan bir quyu olduğunu görüb. Daha sonra əraziyə gələn mütəxəssislər həmin quyunun yeraltı şəhərə aid olan kilsənin bir parçası olduğunu vurğulayıblar. Qoyunların sayəsində aşkara çıxarılan quyu böyük yeraltı şəhərin açarı imiş. Qədim sivilizasiyaya aid olan şəhərdə 5 min nəfərlik teatr binasının olduğu da deyilir.