ABŞ Prezidenti Donald Trampın qızı İvanka Tramp Nyu-Yorkda öz adını daşıyan geyim və aksesuarlar istehsalçışı olan şirkətini tərk edərək, atası ilə birgə Vaşinqtona, Ağ Evə yola düşəcək.

"ABC News"un yaydığı xəbərə görə, İvanka Tramp həm də atasının "Trump Organization" şirkətindəki aparıcı vəzifəsini tərk edəcək.

Prezidentin qızı bildirib ki, o, Vaşinqtonda atasına dəstək olmaq niyyətindədir.

Xatırladaq ki, yeni seçilmiş prezident kürəkəni Cered Kaşneri əsas məsləhətçisi təyin edib.

Trampın iki böyük oğlu Doland və Erik Nyu-Yorkda qalıb ailə biznesləri ilə məşğul olacaqlar.

Prezidentin xanımı Melaniya və kiçik övladı Barron da hələlik Nyu-Yorkda qalacaqlar, onlar Barron məktəb ilini bitirənədək Vaşinqtona gedə bilməyəcəklər.