Arizonadan anadan olan əkiz qardaşlar Everet və Savyer böyüyəndə anadan olmalarının tarixçəsindən danışanarkən hər kəsi təəccübləndirə biləcəklər. Çünki bu qardaşlar əkiz olmalarına baxmayaraq ayrı-ayrı illərdə doğulublar.
Arizonanın Health klinikasında qəribə bir hadisə baş verib. Belə ki, 2016-cı ilin son günü xəstəxanaya gətirilən hamilə ana əkiz oğlanlarından birini 2016-cı, digərini isə 2017-ci ildə dünyaya gətirib. Aralarında cəmi 11 dəqiqə fərqi olan əkiz qardaşların böyük tayı Savyer 23:50 31 dekabr 2016-cı il tarixində, kiçik tayı Everet isə 00:01 01 yanvar 2017-ci ildə anadan olub. Everet həm də Arizonada 2017-ci il tarixində dünyaya gəlmiş ilk uşaqdır.
Əkizlərin atası deyib ki, kiçik oğlan yaman tərs uşaqdır, heç cür 2016-cı ildə doğulmaq istəmirdi.
16:00 03.01.2017