"Reina"da baş verən terraktla bağlı yeni məlumatlar yayılıb.

"Haberler"ə istinadla bildiririk ki, MİT-ə Yeni il gecəsi Ankara, İstanbul, Adana, Antalya və Mersin kimi iri şəhərlərdə terror törədilməsi barədə məlumat daxil olub.

Dekabr ayının son günlərində aparılan əməliyyat nəticəsində 63 İŞİD hərbiçisi saxlanılıb. Onların çoxu əcnəbilərdir.

"Reina"ya edilən hücum anının görüntüləri araşdırılıb. Mütəxəssislər terraktı törədənin Qırğızıstan, ya da Özbəkistan vətəndaşı olmasından şübhələnirlər.