Uşaqların sevimli şirniyyatı sayılan “Kinder-sürpriz” yumurta şokoladın ixtiraçısı vəfat edib.
Uilyam Saliçe 83 yaşında İtaliyada gözlərini əbədi olaraq yumub.
Yerli mətbuatın bildirdiyinə görə, Saliçe dünən axşam Paviya şəhərindəki xəstəxanalardan birində vəfat edib.
Saliçe 1960-2007-ci illərdə “Ferrero” şirkətində işləyib və sahiblərindən biri olub. Təqaüdə çıxdıqdan sonra “Color Your Life” fonduyla əməkdaşlıq edib və özünü gənclərin və istedadların inkişafına həsr edib.
“Ferrero” şirkəti 1974-cü ildən “Kinder-sürpriz” istehsalına başlayıb. Bu şokoladlar təkcə uşaqlar yox, böyüklər arasında da böyük populyarlıq qazanıb. “Yumurta”nın içərisindən çıxan oyuncaqları uşaqların ən sevimli əyləncəsi hesab etmək olar.