KANAL24.AZ
Az Iw En Ru

Təhsil Nazirliyinin əməkdaşları Sabirabadda avtoqəzada xəsarət almış şagirdlərə baş çəkib

Təhsil Nazirliyinin əməkdaşları dünən Sabirabad rayonunda baş vermiş avtoqəza nəticəsində xəsarət almış şagirdlərə baş çəkiblər.

Bu barədə Təhsil Nazirliyinin İctimaiyyətlə əlaqələr sektoru Cəsarət Valehovun facebook səhifəsində yazıb.

“Avtoqəza nəticəsində xəsarət almış məktəblilər - Rəşad, Vüsal, Ağamirzə Bakıda Travmatologiya İnstitutunun "Uşaq travmatologiya" şöbəsində müalicə alırlar. Bu gün Təhsil Nazirliyi rəhbərliyinin tapşırığı ilə onlara baş çəkmək üçün xəstəxanaya getdik. Hər üç məktəbli özünü yaxşı hiss edir, bizdən oxumaq üçün kitablar istədilər. Sifariş etdikləri kitabları da tezliklə onlara çatdıracağıq. Eyni zamanda bu gün Təhsil Nazirliyinin əməkdaşları Sabirabadda baş vermiş avtoqəza nəticəsində həlak olan məktəblinin hüzr mərasimində iştirak etmək üçün rayona yola düşüblər. Allah həlak olan balamıza rəhmət etsin. Xəsarət alanlara şəfa versin!”


19:40 12.10.2016
Xəbər lenti
Bütün xəbərlər