Barselona futbol yığmasında oynayan Arda Turan Türkiyədəki son terror aktlarından sonra video paylaşıb.
Axar.az xəbər verir ki, onun paylaşdığı videoda maşınında Qurani-Kərimdən “Kəhf” sürəsinin 10-cu ayəsini dinləməsi əks olunub.
Futbolçu paylaşdığı videoya belə şərh verib:
“Ölkəmizin başı sağ olsun! Şəhidlərimizə Allahdan rəhmət diləyirəm!”
Sürənin 10-cu ayəsinin mənası belədir:
“Bir zaman gənclər mağaraya sığınıb: “Ey Rəbbimiz! Bizə Öz tərəfindən mərhəmət bəxş et və işimizdə bizə düz yol göstər”, - demişdilər”.
Qeyd edək ki, bundan əvvəl futbolçu açıqlamasında oyundan öncə “Yasin” sürəsini dinlədiyini, özünü bu yolla motivasiya etdiyini bildirib.