Tələbə Qəbulu üzrə Dövlət Komissiyası (TQDK) Gəncə şəhərində orta ixtisas təhsili müəssisələrinə V ixtisas qrupu üzrə qəbul imtahanı keçirib.
8 binada keçirilən imtahanlarda Gəncə və ətraf 10 rayon üzrə 4 min 302 abituriyent qeydiyyatdan keçib.
İmtahanların idarə olunmasına 384 nəzarətçi müəllim, 33 imtahan rəhbəri cəlb edilib.
İmtahanlar bütün binalarda eyni vaxtda başlayıb və heç bir neqativ hala rast gəlinməyib.