Azərbaycan Dövlət Neft və Sənaye Universitetində (ADNSU) geologiya-mineralogiya elmləri doktoru, Əməkdar Geoloq, Beynəlxalq Ekoenergetika Akademiyasının həqiqi üzvü, Rusiya Təbiət Elmləri Akademiyasının xarici üzvü, professor Çingiz Xəlifəzadənin 85 illik yubileyinə həsr olunmuş tədbir keçirilib.

ADNSU-dan Kanal24.az-a bildiriblər ki, tədbirdə bu ali məktəbin rektoru Mustafa Babanlı alimin səmərəli elmi və pedaqoji fəaliyyətindən, yüksək ixtisaslı mütəxəssislərin hazırlanmasında xidmətlərindən danışıb.

Professor Vaqif Qurbanov və digər çıxış edənlər də Ç.Xəlifəzadənin elmimizə və təhsilimizə dəyərli töhfələr verdiyini vurğulayıb, yubilyara yeni nailiyyətlər arzulayıblar.

Sonda Ç.Xəlifəzadə çıxış edərək tədbirin təşkilatçılarına və iştirakçılarına təşəkkürünü bildirib.