Meksikada iki gənc qız selfi çəkmək istərkən həyatlarını itirib.

Kanal 24.az  məlumatına görə, Çinipas şəhərində keçirilən festivalda iştirak edən qızlar yaxınlıqda yerləşən aerodromda şəkil çəkdirmək istəyiblər.

Bu zaman eniş həyata keçirən kiçik mühərrikli təyyarə qızları vurub.

Məlumata görə, qızlar ətrafdakı səs-küy səbəbi ilə təyyarənin yaxınlaşmasını eşitməyiblər.

İnsidentdən sonra təyyarəni sürən pilot bildirib ki, qızları görsə də, təyyarənin yerə çırpılaraq qəza tərətməsindən ehtiyat edib və bu səbəbdən təyyarəni yayındırmayıb.