Azərbaycan Prezidenti yanında Əfv Məsələləri Komissiyası əfvlə bağlı bütün müraciətləri araşdırır. Kanal24-ün məlumatına görə, bunu jurnalistlərə açıqlamasında komissiyanın üzvü, millət vəkili Azay Quliyev deyib.

O bildirib ki, hazırda komissiya öz işini davam etdirir: "Komissiyanın səlahiyyətləri ondan ibarətdir ki, daxil olmuş müraciətləri əsasnaməyə uyğun şəkildə araşdırsın və bundan sonra müvafiq qaydada cənab Prezidentə tövsiyə xarakterli bir təklif təqdim etsin".

A.Quliyev əlavə edib ki, hazırda bu proses davam edir: "Bütün işlər başa çatandan sonra son söz cənab Prezidentin olacaq".