Daxili İşlər Nazirliyinin mətbuat xidməti rəisinin müavini Orxan Mansurzadə açıqlamasında bildirib ki, faktla bağlı Yasamal rayon Polis İdarəsi araşdırma aparılıb.
“Araşdırmanın nəticəsi olaraq da Cinayət Məcəlləsinin 133-cü ( əzab vermə) cinayət işi başlanılıb. Artıq tərbiyəçisi Füruzə Tağıyeva şübhəli şəxs qismində saxlanılıb və istintaqa cəlb edilib. Hazırda istintaq əməliyyat tədbirləri davam etdirilir”.
Qeyd edək ki, iyunun 11-də “Kids Studio Uşaq Mərkəzi”ndə tərbiyəçinin azyaşlılarla kobud davranması və onları döyməsi ilə bağlı videokadrlar yayılıb.