Almaniyanın keçmiş federal prezidenti Yoachim Gauk və Siemens şirkətinin rəhbəri Djo Kezer, Berlinin Yəhudi Muzeyi tərəfindən "Qarşılıqlı anlaşma və tolerantlıq mükafatı"na layiq görülüblər.

Mükafatlandırma mərasimi, noyabrın 11 -i, şənbə günü Muzeyin binasında keçirilib.Gauka mükafatı Avstraliya tarixçisi Kristofer Klark, Kezerə isə Almaniyanın Xarici İşlər naziri Ziqmar Qabriel təqdim ediblər.Bu fəxri mükafat 2002-ci ildə Berlin Yəhudi Muzeyi tərəfindən təsis edilmişdir.Mükafat hər il mədəniyyətlərarası dialoqa, eləcə də, antisemitizmin və irqçiliyin qarşısının alınması istiqamətində göstərilən səylərə görə, siyasətçilərə, iş adamlarına və mədəniyyət xadimlərinə verilir.2011 -ci ildə bu mükafat Almaniyanın baş naziri Angela Merkelə də təqdim olunub.