Türkiyənin Tekirdağ rayonunda psixoloji problemləri olan 31 yaşlı Yunus Admış 3 adamı bıçaqlayıb. Ötən gecə baş verən hadisə təhlükəsizlik kameralarına anbaan əks olunub.
Kanal24 Haberler-ə istinadən xəbər verir ki, Yunus Admış adlı şəxs "Məni cinlər göndərdi" deyib əlindəki çörək bıçağı ilə küçədə çıxanlara hücum edib. Aldığı bıçaq zərbələrindən 1-i ağır olmaqla 3 nəfər yaralanıb.
Ardından bıçaqla özünə xəsarət yetirən Yunus Admış hadisə yerindən uzaqlaşıb.
Jandarma tərəfindən qısa müddətdə tutulan Yunus Admış həbs olunaraq həbsxanaya göndərilib.