Tibbin uşaq xəstəlikləri və onların müalicəsi ilə məşğul olan bölməsi pediatriya adlanır. Uşaq xəstəlikləri dedikdə yenidoğulmuşlardan yetişkənlik yaşına qədər olan uşaqlarda baş verən xəstəliklər nəzərdə tutulur. Bu xəstəliklərin müalicəsi ilə uşaq həkimləri (pediatrlar) məşğul olur.

Pediatriya bir elm kimi XIX əsrin ortalarından inkişaf etməyə başlamışdır. Tibbin bu bölməsinin banisi isə Artur Cakobi hesab edilir.
Uşaq xəstəlikləri barəsində ilk kitab Soraneus tərəfindən yazılmışdır. İkinci kitab isə İranlı həkim Əl Razi (865-925) tərəfindən qələmə alınmışdır. O bu kitabda hətta uşaq xəstəliklərinin tibbin ayrıca bir elmi kimi inkişaf etməsini də vurğulamışdır.
İlk uşaq xəstəxanası 1802-ci ildə parisdə fəaliyyət göstərməyə başlamışdır.