İranın paytaxtı Tehranda 17 mərtəbəli ticarət mərkəzində güclü yanğın baş verib.

İran mediası xəbər verir ki, yanğının söndürülməsi üçün cəlb olunmuş yanğınsöndürənlər hadisə yerində olarkən bina çöküb.

İlkin məlumata görə, həmin vaxt binada 30-a qədər adam olub. Ticarət mərkəzində baş vermiş yanğınla əlaqədar dərhal təxliyə aparılıb. Lakin 200-ə yaxın adamın xəsarət aldığı xəbər verilir.

"Sputnik" agentliyi isə tibbi mənbələrə istinadən dağıntılar altından 35 nəfərin çıxarıldığını bildirib.