Azərbaycan yığmasının hücumçusu Ramil Şeydayev "Trabzonspor"dan ayrılıb.

Gənc futbolçu ikinci dövrədən etibarən Superliqa təmsilçisində çıxış etməyəcək. 

Belə ki, Şeydayev "Samsunspor"a rəsmən icarəyə verilib. Millimizin üzvü Antalyada təlim-məşq toplanışında olan PTT I Liqa klubunun düşərgəsinə qoşulub. Transferlə bağlı problemləri yoluna qoyan Samsun təmsilçisi Şeydayevlə yanaşı, daha 2 oyunçunun keçidini həll edib. Bunlar "Trabzonspor"un digər futbolçusu Göksu Türkdoğan və "Göztəpə"dən transfer edilən Fomaussa Konedir.
 
Qeyd edək ki, "Samsunspor" PTT I Liqada geridə qalan 16 turdan sonra turnir cədvəlinin 17-ci pilləsində qərarlaşıb.