Almaniyanın Xarici İşlər Nazirliyi Suriyada keçid hökumətinin qurulması prosesində Bəşər Əsədin yer alması məsələsinə münasibətini açıqlayıb.

Almaniyanın Xarici İşlər Nazirliyinin sözçüsü Martin Schaefer Suriyada Bəşər Əsəd hakimiyyətinin səlahiyyətlərinin azaldılmasını təklif edib: “Bəşər Əsədin keçid prosesində yer alması səlahiyyətlərinin və hakimiyyət müddətinin azaldılmasına bağlıdır. Bəşər Əsədin səlahiyyətləri alınmadan, Suriyada problemin həlli mümkün görünmür. Suriyanın gələcəyində Bəşər Əsədin yeri yoxdur”.

Xatırladaq ki, Qazaxıstan prezidenti Nursultan Nazarbayev Türkiyə və Rusiyanın dövlət başçılarına Suriya məsələsi ilə bağlı müzakirələrə ev sahibliyi etməyə hazır olduğunu bildirib.