Türkiyə çempionatının aşağı dəstəsində çıxış edən "Büyükşehir Belediye Erzurumspor"un futbolçusu Fahri Tatan maraqlı səbəbdən komandadan qovulub.

Goal.az xəbər verir ki, rəhbərlik onun icazəsiz başına saç əkdirməsini əsas gətirərək müqaviləni pozub. Belə ki, Tatan ötən mövsümün sonunda zədələnmişdi. Zədəsini sağaldıb qayıdanda onu saçlı görən klub prezidenti Ali Demirhan özündən çıxıb və tərəflər əməkdaşlığı dayandırıb. 34 yaşlı yarımmüdafiəçi bundan sonra "Sakaryaspor"la anlaşıb.