Azərbaycan Dövlət Mədəniyyət və İncəsənət Universitetinin (ADMİU) tələbəsi, beynəlxalq müsabiqələr laureatı Natavan Dinikayeva İspaniyada keçirilən “Open Spain” beynəlxalq müsabiqəsində iştirak edib.
ADMİU-dan Kanal24.az-a bildiriblər ki, yeddi ölkədən yüzədək iştirakçının qatıldığı müsabiqədə Azərbaycanın gənc pianoçusu xarici bəstəkarların əsərlərini yüksək səviyyədə ifa edərək birinci yerə layiq görülüb.