Bu gün Abzas Media-nın ofisində və onun direktoru Ülvi Həsənlinin mənzilində axtarış başlayıb.
Kanal24 xəbər verir ki, bu barədə mətbuat orqanının sosial şəbəkə hesabında məlumat yayılıb.
“Ü. Həsənlinin vəkili Zibeydə Sadıqova bildirib ki, ofisdə 5 saat davam edən axtarış zamanı polis əməkdaşları 40 min avro pul “aşkarlayıblar”..
Bildiririk ki, ofisimizdə aşkarlandığı iddia edilən vəsait “Abzas Media”ya aid deyil və istintaq orqanlarının məqsədli şəkildə bizim fəaliyyətimizi dayandırmaq, Ü. Həsənliyə qarşı ittiham irəli sürmək üçün uydurduğu ssenaridir”.

***
Direktoru saxlanılan “Abzas Media”nın ofisində polisin axtarış apardığı bildirilir.
Yeniavaz.com xəbər verir ki, bu barədə mətbuat orqanının rəsmi sosial şəbəkə hesabında kadrlar yayılıb.