Son illər Azərbaycan prezidentinin tapşırığına uyğun olaraq nazirlərin vətəndaşlarla görüşü həyata keçirilir.

Belə ki, nəzərdə tutulmuş plana uyğun olaraq, nazilər ölkənin müxtəlif bölgələrində vətəndaş qəbulu həyata keçirir.

Ancaq Azərbaycanın elm və təhsil nazir Emin Əmrullayev isə vətəndaş qəbulu məsələsində imitasiya ilə məşğul olur.



Belə ki, nazirliyin açıqlamasında Emin Əmrullayevin Samux rayonunda vətəndaş qəbulu keçirdiyi barədə məlumat yayılıb.

Həmin məlumatda bildirilir ki, qəbulda Samux, Gəncə, Naftalan, Göygöl, Daşkəsən, Goranboy və Kəlbəcər sakinləri iştirak ediblər.

Ancaq nazirlə görüşə gəlmək istəyən çoxsaylı vətəndaşlar buna nail ola bilməyib.

Gununsesi.info–nun elektron poçtuna yazan bir qrup vətəndaş iddia edib ki, Emin Əmrullayev qəbul adı ilə Regional Təhsil İdarəsinin strukturlarında çalışan işçiləri ilə görüşüb.

Nəticədə onlarla vətəndaş nazirin qəbuluna buraxılmayıb.