Bakıda 27 yaşlı qız polisə müraciət edib. Lent.az-ın əldə etdiyi məlumata görə, 9-cu Polis Bölməsinə müraciət edən şəhər sakini, 1988-ci il təvəllüdlü U.A. bildirib ki, internetdə tanış oldğu şəxs onu aldadıb.

 

Gənc qız qeyd edib ki, 07.01.2015 tarixdə saat 03 radələrində internet vasitəsi ilə Ramin adlı şəxslə tanış olublar. Sonra onlar arasında isti münasibətlər yaranıb. Daha sonra tanış olduğu Ramin adlı şəxs onu yaşadığı evə – Salyan şossesindəki mənzilə aparıb və burada cinsi əlaqədə olublar.

 

A.U. bildirib ki, internetdə tanış olduğu şəxs onunla evlənəcəyinə vəd versə də, sonradan sözünə əməl etməyib.

 

27 yaşlı qız onu aldadaraq cinsi əlaqədə olan şəxsin cəzalandırılmasını xahiş edib.

 

Müraciət əsasında araşdırmalar aparılır.