Serbiya prezidenti Tomislav Nikoliç Azərbaycanın bu ölkədəki səfiri Eldar Həsənovu Serbiya Bayrağı Ordeni ilə təltif edib.

Serbiya prezidentinin saytına istinadən xəbər veririk ki, bununla əlaqədar olaraq T.Nikoliç Azərbaycan səfirini prezident sarayında qəbul edib.

Səfir bu ordenə iki ölkə arasında əlaqələrin və əməkdaşlığın genişləndirilməsinə göstərdiyi xidmətlərə görə layiq görülüb.

E.Həsənovla birgə bu mükafatla Belarus və Rusiyanın Belqraddakı səfirləri də təltif olunublar.