Bu görücü XIX – XX əsrlərdə yaşamış, 1959-cu ildə dünyasını dəyişmiş Alois İrlmayerdi. Ölüm tarixini ona görə yazdıq ki, adi mədən fəhləsi olan Alois neçənci ildə, hansı gündə öləcəyini də bilirdi. Elə dediyi kimi də oldu: 1959-cu ilin 17 avqustunda dünyasını dəyişdi. Özü də ölməmişdən qabaq sevinə-sevinə bunu etiraf etdi. Ona qədər isə öncəgərmə qabiliyyətinə görə çox əzablar çəkdi. Şarlatan adlandırılaraq, məhkəməyə verildi. Lakin məhkəmədə hakimin arvadını heç zaman görməyə-görməyə nə geydiyini, hanaıs gündə hara getdiyini dedi. Beləcə, onu təsir altında saldı və azad edildi. 

 

II Dünya Müharibəsində hansı ərazilərə bombaların atılacağını qabaqcadan təxmin edirdi. Lakin bu, onun bacarıqlarının sonu deyildi. II Dünya Müharibəsi gözlərinin qabağında olan bir savaş idi. Lakin  Alois hələ də nə zaman başlanacağı bilinməyən III Dünya Müharibəsi haqqında da hamının təəccübünə səbəb olan fikirlər səsləndirmişdi.

 

Moderator.az bəşəriyyət tarixinin ən təhlükəli görücülərindən sayılan Aloisin III Dünya Müharibəsi haqqındakı proqnozlarını təqdim edir:

 

“Hər şey Orta Şərqdə başlayacaq. Əvvəlcə, qısa müddətli sülh bərqərar olacaq, lakin, Orta Şərqdə başlanan savaş get-gedə alovlanacaq. Böyük hərbi güclər Ağ dəniz istiqamətində bir araya gələcək. Sonrakı atəş nöqtəsi isə Balkan dövlətləri olacaq.

 

Çin Kanada və Alyaskanı eyni gündə işğal edəcək. Bu, çox da uzaqda deyil. Sarı toz yağışı yağacaq, ABŞ-ın paytaxtı raketlə yox ediləcək. Qərb Asiya dövlətləri tərəfindən işğal ediləcək.

III Dünya Müharibəsi mütləq gələcək. İlini görə bilmirəm. Amma milyonlarla insan bunu görəcək”.